Cestarias e saberes do Povo Baniwa: uma contribuição das ciências ambientais ao ensino intercultural

Abstract

Ikadzekatakaitakaro phia newikinai ianheekhe nakhitte lioma phiameetaka lhiehe hirapittinaakaawa, kadzoaha, kanakai pimatsiataka pidenhikaale ate lia matsiaa, lhiehe ikadzekatakhetti ikoawale ikaitekada kadzoaha neemakapidzo nhaha newikinai nheette iwalittetakada tsakha ianhekhetti. Linakhitte nokaite aaha nopesquisaniriko nodeenhi apada iñhaatakada koame pakadzekátaka dzamakhaa iakottiriko, (wakoliko nheette yalanawinai iakoliko). Lirhio lhiehe ikadzekatakhétti newikinai ianheekhe nakhitte, pawakeetakaro nhaha hooreperi disciplina pakadzekataakawape inako aaha 2o ano ikadzekatakhétti ikeñoakaawa. Nookeetakaro lhiehe noomali, nodeenhi pesquisa nanako nhaha nadananhi papera liko dokomento liko tsakhaa nhaha apadawa newiki, nheette nokapakaa aaha nokadzekatali neeni kadzokhette: i. nomatsiata nhaha liakokanaa ikitsindatakape paanheeka ikadzekatakhetti newikinai ieskola niriko; ii. Nokapa nheette nhoeneeta nhaha ikaitekape poapoa nako nheette Baniwanai ianheekaa iñaka poapoa iyo; iii. Nokapa koaka nhaha kanakairi pawakeetaka newikinai ianheekhe nakhitte, nheette nhaha hooreperi disciplina pakadzekataakawape inako aaha 2o ano ikadzekatakhétti ikeñoakaawa. Lhiehe pesquisa nodeenhini noanheekaa nakhitte kadzo ikadzekatakaita kapidzo nhoa aaha pakadzekatakakaroda newikinai idzaada, dzakalee halapokolikoaa estrada liko Kamanaos yapowanaa, lihiipaite riko lhiehe Hiipanako Hiipa, amazonasliko. Lhiehe ikadzekatakhetti newikinai idzaada likaite koame padeenhika nheette koame padzeneetaka ianheekhetti pakapanhi nheette ñameperitsa pakapa, nalhio nhaaha walittepe inoka, linakhitte lhiehe neemakaa heekoapi ikoami nadzakale riko, naeskolaniriko tsakha. Lhiehe newikinai ianheekhe nakaiteri nadeenhikaale nako kalidzamai riko, naistoria niriko, nheette phiome phaa nhaha apadawa nanheekhe, nhaha neemakaa nadzakaleriko, lirhiotsa neenipe ikadzekataakaka nanako naeskolaniriko. Phiome nhaha liodzawaaka lihanipaka lhiehe naanheekhe nhaha Baniwanai linako lhiehe paniatti poapoa, nheette nadeenhikaale poapoa iyoperi, linakhitte liñhaata apada liakokanaa matsiadali pakadzekatakaka inako aaha ikadzekatakhetti newikinai ianheekhe nakhitte hooreperi disciplina nako. Kadzokhette, pikadzekata neemakaa nakhitte nhaha ikadzekatakakapewa aaha neemakaawa liko, kadzo watsa nakeeta naanheeka mherapittinaakatsa koaka nakapali hekoapi ikoami naapanaliko, nheette nakitsindata watsa nakathinaataka phiome lhiehe ianhekhetti ñamekaro lipañawa, nakawhietakaro tsakha lhiehe ianheekhetti walhio, nheette waako tsakhaa. Lhiehe itsoometakhetti eskola kadzoaha neemakapidzo nhaha linewikitenaa likadaa kaakopedaka whaa linako waapiñheetakao matsia, kadzo watsa wahanipataka liawa lhiehe ianheekhetti koamekaro kaakoka matsia nhaa oo nadanakaro madzakani nhaha ienipettinai ikadzekatakakapewa.